Segundo encontro

No club de lectura Xelmilectorxs non quixemos rematar o ano sen ler un libro máis! E por certo...o club non para de medrar! Cada vez somos máis 😀

Desta vez lanzámonos a ler banda deseñada, da man de Miguelanxo Prado. A casa dos Pampín deu moito que falar! Os Pampín, un pouco enrevesados, querían máis e máis...pero ao final saíron perdendo. Os "chanchullos" do alcalde e o Sr. Peteiro acabaron por tirar abaixo a casa da familia.

Mais no noso club encargámonos de recuperar algunhas das propiedades e dos cartos dos Pampín (algúns xa vedes que amorearon unha boa cantidade). A subasta foi todo un éxito e todos saímos gañando!

Pasade unhas boas festas, que ben as merecedes! Vémonos á volta con máis lecturas!

A LER E RIR MOITO!! 😊

A mansión dos Pampín

XA TEMOS DATA E LIBRO!!

O martes 18 de decembro o club Xelmilectorxs volverémonos xuntar. 

Nesta ocasión, temos a banda deseñada como protagonista: A mansión dos Pampín de Miguelanxo Prado (tamén en castelán, La mansión de los Pampín).

ANIMÁDEVOS!!

Primeiro encontro

Hoxe, no club de lectura Xelmilectorxs fixemos o noso primeiro encontro!!

Pasamos un pouco de medo recordando a terrible historia de Xabier e Adrián, protagonistas de Cartas de Inverno...que pasaría con eles? Seguen a ser monstros? E a casa enmeigada, existirá de verdade?

 Tareixa, a irmá de Xabier, deixounos unha tarefa moi importante que cumprimos con moita...responsabilidade e seriedade? Máis ben con moita imaxinación, enchemos as cartas queimadas polas lapas na casa de Vilarmaior!

En definitiva, pasámolo moi ben! Dentro de pouco voltaremos con máis lecturas...estades avisadxs!

A ler e rir moito!

Cartas de inverno

Primeiro libro do club Xelmilectorxs (13 de novembro)

CARTAS DE INVERNO