4° Encontro Xelmilectorxs

Unha semana máis, xs Xelmilectorxs volvemos xuntarnos para compartir un divertido xantar literario. Nesta ocasión, eliximos A Pomba e o Degolado, de Fina Casalderrey.

Ademais de comentar o libro, intentamos empatizar cxs personaxes poñéndonos na súa pel a través do xogo de roles. Velaí vos deixamos algunhas mostras:

*Mentres dorme, André esmaga sen querer o seu paxaro, Garuda. Cando chega a nai á casa este non para de chorar en estado de shock, polo que ela, para que reaccione, dálle unha labazada.

       

*André recibe o seu proxenitor logo de días sen velo e alleo á separación entre os seus pais. É a súa irmá adolescente Davinia a que lle abre os ollos cunha sensibilidade nula.

*Farto das situacións de acoso escolar que vive no seu instituto, André decide levar unhas follas de marihuana. Porén, esa acción non tivo o resultado que el agardaba.

3° Encontro de Xelmilectorxs!

Feliz ano, Xelmilectorxs! 🎉

Comezamos o 2020 cun novo encontro en que tivemos a sorte de contar con Eva Mejuto, autora do libro 22 segundos, elixido nesta ocasión para a súa lectura.

Queremos agradecerlle á autora, non só a súa visita, senón tamén o seu atrevemento ao visibilizar a transexualidade, un tema tabú ao que a sociedade aínda lle vira as costas.

Grazas, tamén, por estar aberta a responder todas e cada unha das nosas preguntas con tanta naturalidade e sensibilidade. Quedamos encantadxs e agardando con ansia a continuación do libro! 🤓📖

Ata a próxima! 🤗

2° Encontro dxs Xelmilectorxs

          O pasado martes tivo lugar a segunda xuntanza dxs Xelmilectorxs. Nesta ocasión, lemos O 💜 de Xúpiter de Ledicia Costas.

          Ademais de ser unha moi boa escritora, Ledicia tamén saca tempo para mimar xs lectorxs dos seus libros, xa que tivo o detallAZO de mandarnos un vídeo relatando a súa visión dos feitos 😍:

        Pero a cousa non quedou aí, xs Xelmilectorxs tamén temos un pequeno vídeo de agradecemento para esta fantástica autora. Nel reflexionamos sobre as palabras de Ledicia ao redor do inesperado final da obra e tamén comparamos a historia de Isla coa de Amanda Todd 🤔

        E ata aquí a actualización das aventuras dxs Xelmilectorxs! Vémonos o 14 de xaneiro (con sorpresa incluída 😋)

Que teñades moi bo Nadal!🎄 Ata o ano que vén! 👋

1º Encontro dxs Xelmilectorxs (2019-2020)

Se Bruce Lee, por que ti non?

Abrimos unha nova tempada de lecturas no IES Xelmírez I!!!

 Neste curso atravesaremos mundos sen igual! Coñeceremos personaxes fantasticamente reais da nosa historia, flora e fauna das aventuras máis épicas xamais escritas e deixaremos voar a nosa imaxinación a través dun movemento lateral de ollos. 

Onte tivo lugar a primeira xuntanza deste apaixonado grupo de exploradorxs das letras. Agardamos que ao longo deste periplo lector o número de participantes aumente e así poder descubrir novos mundos xuntxs, comentando e compartindo a ollada que cadaquén fai dun mesmo libro, pois todxs lemos o mesmo, pero non entendemos sempre igual, e iso é o que fai a diversidade.

A primeira lectura en que nos sumerxemos, mentres devorabamos delicias de cacao con leite, foi Pel de lobo da autoría de Xosé Miranda.

Derradeiro encontro con Pere Tobaruela!!

E COLORÍN COLORADO...ACABOUSE O CONTO!!

Hoxe tivemos un xantar moi especial coa compañía do autor de Mortos de ningures:

Pere Tobaruela

Aprendimos o esforzo que hai detrás dunha novela, todo o traballo que require (e tamén algo de inspiración!). Ademais, Pere transmitiunos ese amor tan especial que sinte pola nosa lingua e pola nosa cultura. Grazas Pere por visitarnos!

E así pechamos o curso 2018/2019 no Club de Lectura Xelmilectorxs! Que ledicia ver como a lectura vos atrae e emociona tanto! Seguide lendo e mantendo vivos os clubes de lectura!! 

Xelmilectorxs: Laura, Ana, Lía, Xela, Mateo, Ada, Erea, Manuel, Julia, Artur, Xiana, Antía, Antón, Cloe, Alda, Aldara, Mauro, Xela, Sonia, Ana, Gadea

Sorpresa, sorpresa...

AQUÍ ESTAMOS OUTRA VEZ!

O martes 11 de xuño volverémonos atopar. Desta vez da man de PERE TOBARUELA e o seu libro MORTOS DE NINGURES (unha obra que escribiu con Ledicia Costas).

PERO... QUEREDES SABER CAL É A SORPRESA ESTA VEZ? 

ESE DÍA TEREMOS UN XANTAR LITERARIO CON PERE!! 

O autor da obra virá ese día á nosa quedada, e poderedes preguntarlle todo o que queirades.

Así que xa sabedes, a ler Mortos de ningures.
(E a deixar os vosos comentarios no blog!)

Iria Misa e a súa novela "Mamá, quero ser Ziggy Stardust"

Iria Misa mandounos un vídeo saudándonos e propoñéndonos unha serie de preguntas sobre a súa novela!! Fíxonos moita ilusión! Grazas Iria!

Nós tamén fixemos o noso propio vídeo respondendo a todas as súas preguntas. Aquí vos queda!

E, por suposto, recomendámoslle a todo o mundo a seguinte canción que foi a nosa banda sonora ese día!